Urolako AEK-k antolatuta, eta Azkoitiko Anaitasuna, Azpeitiko Lagun Onak eta Zestoako Agiro mendi taldeek lagunduta, 24. Korrikaren aldeko mendi irteera egin dute gaur, zapatua, Xoxote mendira.
Zestoatik 09:15ean eta Azkoititik nahiz Azpeititik 09:30ean abiatuta, Xoxote mendian egin dute topaketa dozenaka mendizalek eta euskaltzalek. Beste urte batez, asko izan dira egitasmoarekin bat egin dutenak. Xoxoteko aterpetxearen bueltan elkartu dira hiru herrietako ordezkariak, eta talde argazkia egin eta gero, hamaiketakoa egin dute denek.