Ipuin kontaketa saioa izango da zapatuan Ekoetxean. Martxoaren 8aren bezperan, berdintasuna oinarri duten ipuinen kontaketa saioa eskainiko dute, 11:00etatik aurrera, Egibar baserrian. Zehazki, Araitz eta Tulipa izeneko ipuin sorta entzuteko parada izango dute 3 urtetik gorako umeek nahiz haien familietako kideek.
Berdintasuna ez ezik, bioaniztasuna ere landuko dute kontakizunetan, eta hitzorduan parte hartu nahi dutenek dagoeneko eman dezakete izena honako lotura honetan. Saioa doakoa izango da.