Kimu eta infantil mailetako gimnastika erritimikoko Gipuzkoako Txapelketaren bigarren fasea Azpeitiko kiroldegian jokatuko dute bihar eta etzi. Asteburu honetako emaitzak eta lehen fasekoak batuta erabakiko da zein sailkatuko diren maiatzaren 9an jokatuko dituzten finaletarako.
Asteburu honetara itzulita, kimuak zapatu arratsaldean (15:00etatik 20:10 aldera arte) eta infantilak igande goizean (09:55etik 14:30era arte) lehiatuko dira. Gipuzkoa osoko gimnastak ariko dira udal kiroldegian, eta tartean, nola ez, etxekoak. Bihar, Loretoki klubeko kimuen taldeak 18:47an egingo du bere agerraldia txapelketan. Igandean, berriz, infantilen taldea 13:06an lehiatuko da; eta Maren Bikendi bakarkako lehian ere ariko da, uztaiarekin, 14:20an.
Benjaminak Eibarren
Asteburu honetan kimuen eta infantilen txanda izango da, eta joan den asteburuan, berriz, Lotetokiko benjaminena izan zen.
Azpeitiko hamabi gimnasta gaztetxok parte hartu zuten martxoaren 1ean Eibarren (Gipuzkoa) antolatutako erakustaldian.
Loretokiko benjaminak, Eibarko erakustaldian. (Loretoki)