Muñagorri, el conde y las condesas liburua aurkeztu eta haren gaineko solasaldia eskaini zuen Eugenio Ibarzabalek atzo, Azoka Plazako aretoan. Munoaundi elkarteak antolatutako hitzordura hainbat lagun joan ziren, eta Ibarzabalek iazko martxoan kaleratutako lanaren xehetasunak ezagutu ahal izan zituzten.
XVIII. eta XIX. mendeetako Euskal Herriko historiari buruzko solasaldia izan zen atzokoa, eta Jose Antonio Muñagorri politikari eta militarra ardatz hartuta jardun zuen solasean Ibarzabalek. Izan ere, Muñagorri oso gizon ospetsua izan zen karlistaden garaian, besteak beste, Bakea eta Foruak mugimendua sortu zuelako, eta haren historian oinarrituta ondu zuen liburua.