Maiatzaren 16an izango da aurtengo Etxera Eguna, eta herritarrei data gordetzeko eskatu diete Azpeitiko Sareko kideek, eguna "indartsu datorrelako". Egitaraua oraindik guztiz zehaztuta ez duten arren, berrikuntza batzuk izango direla jakinarazi dute dagoeneko. Esaterako, aurten ez da krosik izango, eta horren ordez erraldoien eta buruhandien ikuskizuna izango da. Horrez gain, plazako kirol erronkak, bazkariak, elkarretaratzeak eta kontzertuek osatuko dute eguneko egitaraua, eta umeentzako gune bat ere prestatuko dute. Hain zuzen ere, herriko hiru talde igoko dira Sanagustin kulturguneko oholtzara, Azax, Eraldatzen eta Puntapaxa, eta haien ostean, Trikidantz erromeria taldeak luzatuko du jaia.
Maiatzaren 16an izango da aurtengo Etxera Eguna
Aurten elkartasun krosik ez dela izango aurreratu dute antolatzaileek, eta horren ordez, erraldoi eta buruhandien ikuskizuna izango dela, beste hainbat ekitaldiren artean. Herritarrei data gordetzeko deia egin diete.
Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide