Kulturaz kultur kooperatibaren Sanagustin kulturguneko joan den asteburuko eskaintza oparoa eta askotarikoa izan da musikaren zaleentzako. Ostiralean, Quique Gonzalez musikari espainiarrak 1973 lana aurkeztu zuen Sanagustinen bildutakoen aurrean.
Larunbatean, berriz, 24. Korrika herritik igaro ondoren, euskararen aldeko festak segida izan zuen Sanagustin kulturgunean. Trikigiroko trikitilarien erromeriaren ondotik, Lurdes Alkorta eta Lidia Irigoien nahiz Saioa Lizarralde eta Maddalen Arzallus trikitilarien emanaldia izan zen. Segidan, Azax taldeak elektronika eta trikitia uztartuz musika nahiz dantza ikuskizuna eskaini zuen.
Kulturaz kooperatibaren artxibategi digitalean ikus daitezke ostiraleko nahiz larunbateko Sanagustin kulturguneko kontzertuetako argazkiak.
(Argazkiak: Kulturaz kultur kooperatiba)