Azpeitiko Erdikaleko 27. zenbakidun eraikineko bigarren solairuko etxebizitzan sutea izan zen atzo arratsaldean, 15:00 aldera. Sua zerk eragin duen ikertzeko eta eragindako kalteak aztertzeko teknikoak lanean ari dira egunotan, eta haiek baimena eman bitartean, etxebizitzetako bizilagunek ezingo dute beren etxeetara itzuli, eta eraikin berean dagoen Korrale taberna ere ezingo dute ireki.
Atzo sua itzali eta gero, suhiltzaileek lagunduta bizilagunek beren etxeetara sartu ahal izan zuten beharrezko gauzak hartzera, baita gaur goizean ere. Etxera itzultzeko aukera izan bitartean, Azpeitiko Udalak ostatua eskaini die bizilagunei.