Urtero legez, Azpeitiko, Azkoitiko eta Zestoako jubilatuek Oriora eta Aginagara egun pasa egingo dute maiatzaren 14an, ostegunez. Egun horretan, 10:00etan aterako da autobusa San Martin egoitzaren paretik Oriora, eta 12:00etan meza izango dute hango San Nikolas elizan. Elizkizuna bukatu ostean, 14:00 aldean, Aginagara joango dira, hango Errasti sagardotegian bazkalduko baitute.
Bihar zabalduko dute irteerarako izena emateko epea, eta maiatzaren 12ra arte izango dute herritarrek horretarako aukera; Baigera jubilatuen eta pentsiodunen elkartearen bulegoan eman beharko da izena. Irteeraren ordaina 35 eurokoa izango da.