Joan den asteburuan Pirinioetara irteera egin zuten Lagun Onakeko mendizaleek. Eguraldi iragarpenak tarteko aurretik zituzten planak egokitu egin zituzten, baina Bisaurin (2670 m) mendiaren tontorra eginda itzuli dira Azpeitira.
Ostiralean joan ziren Azpeititik Pirinioetara, han Gabardito aterpetxean lo egin eta larunbatean goizean goiz abiatu ziren Bisaurinera. Ateri egin zien mendizaleei, eta kranpoien eta pioleten laguntzarekin talde osoa igo zen gailurrera. Igandean, ordea, euria izan zuten goizetik protagonista, eta aterpetxean gosalduta etxera itzultzea erabaki zuten mendizaleek.