Maiatzerako bi zeramika tailer prestatu ditu Arte eta Diseinu Ikastegiak (ADI). Hil horren 9an eta 16an, larunbatak, izango dira saioak, ADIren egoitzan –Jose Artetxe kalea, 3–, 10:00etatik 13:00etara.
Maiatzaren 9ko saioa berezia izango da; izan ere, familiei zuzendutako hitzordua prestatu dute. 6 urtetik gorako umeek heldu batekin parte hartu ahal izango dute tailerrean.
Tailerretako plazak mugatuak dira, eta ADIra joan, artetadiseinu@gmail.com helbide elektronikora mezua idatzi edota 688 75 18 87 telefono zenbakira deitu beharko dute herritarrek. Partaideek 35 euro ordaindu beharko dute saioan parte hartzeko.