Izan litekeen guztia disko berria argitaratzear da Desgaraian taldea, eta lan berria labetik atera bezain pronto hura aurkezteko lehen kontzertuak iragarri ditu Jon Gurrutxaga azpeitiarraren taldeak.
Hain zuzen ere, maiatzean hiru zuzeneko eskainiko ditu Desgaraianek, eta horietako azkena Azpeitiko Gaztetxean izango da. Zarauzko Hiru Putzu gaztetxean hilaren 15ean eta Gasteizko Izaskun Arrue kulturgunean 21ean jo ondoren, maiatzaren 22an, ostiralarekin, emango du disko berriaren aurkezpen kontzertua Desgaraianek Azpeitiko Gaztetxean (22:30). Sarrerak egunean bertan jarriko dituzte salgai.