Azpeitiko Udaleko ordezkariek maiatzeko ohiko udalbatzarra egingo dute bihar, asteartea, 19:00etan hasita, udaletxeko areto nagusian. Hainbat puntu aztertuko dituzte udalbatzarrean, hala nola etxebizitzaren arloko zenbait gai nahiz Azpeitia Berritzenen aurrekontua.
Hona hemen udalbatzarreko gai zerrenda:
1.- 2026ko apirilaren 14an egindako udalbatzaren akta onartzea.
2.- Azpeitiko 4.1 Santutxo eta 1.2. Done Jakue azpieremuek osatutako jarduketa integratuaren exekuzio unitatean dagoen 18857 finka erregistralean udalak duen jabetzaren ehunekoa Azpeitia Berritzeni lagatzea.
3.- Azpeitiko udal etxebizitza tasatua eta prezio itunduko etxebizitza librea arautzen dituen udal ordenantzaren 5. eta 6. artikuluak aldatzea.
4.- Elizkale 18, 20, 22 eta 24 zenbakietan babes publikoko etxebizitzak alokairu araubidean eraikitzeko oinarrizko proiektuari eraikuntzaren, instalazioaren eta obren gaineko zergaren %95eko hobaria onartzea.
5.- Udalaren lanpostu zerrenda aldatzea.
6.- 2/2012 lege organikoaren esparruan, kontu hartzailetzak egindako 2025eko likidazioari buruzko aurrekontu egonkortasunaren txostenaren berri ematea osoko bilkurari, Iraurgi Lantzen barne hartuta.
7.- Alkatetzak 2026ko martxoan emandako ebazpenen berri ematea.
8.- Azpeitia Berritzenen 2025eko urteko kontuak onartzea.
9.- Galdera eta erreguak.