Orbaibarrera (Nafarroa) ibilaldia antolatu du Baigera jubilatuen eta pentsiodunen elkarteak ekainaren 25erako. Bihar zabalduko dute bailara horretan egingo duten txangorako izena emateko epea, eta herritarrek ekainaren 23ra arte izango dute horretarako aukera; 40 euro ordaindu beharko du partaide bakoitzak.
Ekainaren 25ean, ostegunez, 08:00etan abiatuko da autobusa Azpeititik Nafarroara. Katalaino baseliza eta Orisoaingo San Martin de Tours eliza bisitatuko dituzte goiz partean, eta norberak eramandako hamaiketakoa egin ostean, Erriberrira joango dira. Hango Casa Prebosten bazkalduko dute, eta arratsaldean itzuliko dira atzera Azpeitira.