B Serieko buruz buruko txapelketaren finalaren atarian gelditu da Unai Alberdi, Alberdi II.a.
Atzo jokatu zituzten txapelketaren bi finalaurrekoak Irungo Urantzun (Gipuzkoa), eta lehenengoan aritu zen aurrelari azpeitiarra, Ander Muruaren kontra. Hasieratik jarri zitzaion neurketa maldan gora Alberdiri, eta ez zuen asmatu egoerari buelta ematen. 8-4tik 18-5eraino joan zen Murua markagailuan, eta azkenean 22-12 galdu zuen azpeitiarrak.
Final laurdenetako ligaxkaren azken jardunaldian Julen Egiguren herrikideari irabazita lortu zuen Alberdi II.ak finalaurretarako txartela duela bi aste.