Eguerditik festa giroan murgilduta ibili ondoren, aldarrikapenerako tarte nagusia arratsaldean iritsi da aurten ere Etxera Egunean.
18:30ean hasita, elkarretaratze jendetsua egin dute plazan; dozenaka herritarrek egin dute bat Sareren deialdiarekin eta presoen etxeratzea eskatu dute, Ezin da gehiago luzatu. Presoak etxera zioen pankartaren bueltan jarrita.
Baina Etxera Eguna ez da bukatu oraindik. Gauean, 21:30etik aurrera, Eraldatzen, Puntapaxa, Trikidantz eta Azax taldeek kontzertuak emango dituzte Sanagustinen, sarrera debalde dela.