Final zortzirenetan hasi du eskuzko Herriartekoa Azpeitiak Amezketaren kontra, eta gainditu egin ditu bai joanekoa eta bai itzulerakoa. Aurreko asteburuan joanekoan 1-2 irabazi zuen Azpeitiak, eta atzo Izarraitz pilotalekuan jokatutako itzulerakoan hirutik hiru irabazita final laurdenetarako pausoa eman dute.
Atzo jokatu zituzten final zortzireneko eskuzko itzulerakoak Ilunpeko pilotariek Amezketaren kontra, 19:00etan hasita, Izarraitz pilotalekuan. Kadeteetan Azpeitiko Ansolak eta Beristainek jokatu zuten Amezketako O. Gorostdiren eta Saralegiren kontra, eta 22-2 irabazi zuten. Jubeniletan, Azpeitiko Artetxek eta Iturraldek Amezketako Fresnedari eta A.Gorostidiri 22-10 irabazi zieten. Nagusietan ere, Azpeitikoak izan ziren garaile, Egigurenek eta Larrañagak Amezketako B. Gorostidiri eta E. Gorostidiri 22 eta 9 irabazita.
Eskuz final laurdenetako aurkaria Hernani izango dute. Honek final zortzirenak Aretxabaletari 0-6 irabazi ondoren.
Palan joanekoa gaindituta
Erremintan final laurdenak jokatzen ari da Azpeitia. Atzokoan joanekoa jokatu zuten Donostiaren kontra, eta 0-2 irabazita etxeratu ziren Azpeitiko palistak. Oier Alkortak eta Telmo Garaizarrek paletan 35-14 irabazi zieten Donostiakoei, eta pala motzean Eneko Martijank eta Mikel Santxezek 40-27.
