Eusko Jaurlaritzaren Larrialdiei Aurre Egiteko eta Meteorologiako Zuzendaritzak alerta laranja aktibatuko du bihar, asteazkena, eta etzi, osteguna, tenperatura altu iraunkorrengatik. Neurri hori kontuan hartuta, hondakin komertzialen bilketa 10:00etara aurreratuko du bihar Urola Erdiko Mankomunitateak.
Hondakinen bilketa ordua aurreratuta, beroagatik arrisku gehien dagoen orduetan biltzaileak kalean lanean ibiltzea saihestu nahi du mankomunitateak. "Momentuz hasieran aipatutako aldaketa hori bakarrik egongo da, baina, adi egotea gomendatzen dugu, datozen egunetan deitutako alerten arabera, beste zerbitzu batzuetan ere aldaketak egon daitezkeelako", ohartarazi du erakundeak.