Uda sasoian, gero eta jende gehiagok jotzen du Izarraizko Atea parkera. Eguzki bila joaten dira batzuk, beste asko itzal bila, baina lekurik preziatuena ur txorroen espazioa da. Herritarren azken urteetako joera ikusita, ur eremua handitzeko obrak hasi ditu Azpeitiko Udalak, eta aurtengo udarako prest izango da. Zehazki, ekainaren erdira alderako lanak amaitzea aurreikusten du erakundeak.
Txorroak ez ezik, jolaserako dozena inguru tramankulu jarriko dituzte hamasei metroko diametroko espazioan, ur arkuak eta jaurtigailuak barne. Horretarako, gaur egungo zelaiari zatitxo bat kentuko diote. Modu horretan, bi ur eremuak elkarren ondoan izango dira.
Itxura honetakoak izango dira jarriko dituzten ur jolasak eta txorroak:
