Maiatzeko azken igandearekin, mendizaleek Xoxoteko Eguna ospatu zuten atzo. Urtero bezala, Lagun Onak mendi bazkunako kideak arduratu ziren eguneko egitaraua prestatzeaz, eta herritarrek ondo erantzun zieten haiek egindako deiari, eguraldi atsegina lagun, dozenaka izan baitziren goizean tontorrera arteko bidea egin zuten herritarrak.
Behin goian, 12:00etan meza izan zen, 12:45ean lore eskaintza egin zuten, eta horren ostean, paella jana, aterpean. Eguna borobiltzeko, eta urteroko ohiturari eutsita, mendizale elkarteak dominak eta opariak ere banatu zituen gaztetxoen artean. Hori guztia musikaz girotzen txalapartariak, txistulariak eta trikitilariak aritu ziren egun guztian, eta "giro jatorra" sortu zela nabarmendu dute antolatzaileek.
(Argazkiak: Lagun Onak mendi bazkuna)