Azpeitiko palistek Gipuzkoako Herriarteko Pilota Txapelketaren finalerdien joaneko partidak jokatu zituzten atzo, igandea, Andoainen, eta jokatutako bi partidak galdu zituzten. Larruzko paletan, Oier Alkorta-Asier Egiguren Bikutze bikoteak 35-25 galdu zuen, eta pala motzean, Eneko Martija-Mikel Sanchez bikoteak, 40-22.
Datorren larunbatean jokatuko dituzte itzulerako partidak Betharram pilotalekuan. Bi lehiak irabazteaz gain, beraiek egindakoak baino gutxiago egiten utzi beharko diete Ilunpekoek Andoaingoei.