Gaztetxoen antzerki tailerrekoek ikasturte bukaerako emanaldia egingo dute igandean, ekainaren 14an, Soreasu antzokian. Hiru antzezlan estreinatuko dituzte jendaurrean: 11:00etan hasita Harria egingo dute, eta 12:15etik aurrera, Bum! eta Supers antzezlanak.
Kulturaz kultur kooperatibak antolatutako gaztetxoen antzerki tailerrean 8 urtetik 18 urtera artekoek parte hartzen dute, eta Dinamoa sormen gunean izaten dituzte antzerki saioak, Alaitz Olaizola eta Xanti Agirrezabala antzerki irakasle direla.