Herenegun arratsaldetik, Elizkaleko festek musikaz eta jai giroz jantzi dituzte, kalea bera ez ezik, alboko Plaza Txikia eta eliz ataria ere.
Atzo arratsaldean, Juan Antxieta musika eskolako trikitilarien kalejirarekin eta buruhandiekin hasi zuten arratsaldea Elizkalean, eta Kantu Jirakoek hartu zieten lekukoa gero gaztetxoei, iluntzeko Porru DJaren saioaren aurretik. Gaur, berriz, Itsasiko dantzari txikien emanaldiarekin ekin diote jaietako azken egunari. Eliz atarian, kale erdian zein Plaza Txikian eskaini dituzte dantzak Itsasiko gaztetxoek, beroari aurre eginez. Bukaeran, mokaduaz eta edari freskoez gozatzeko aukera ere izan dute.
Iluntzean, Main tabernan afaltzeko elkartuta, Imuntzo eta Aintzane trikitilarien erromeriarekin eta ohiko zozketak eginda agurtuko dituzte korputzak.