Aupatuz Euskadiko adimen gaitasun handiko elkarteak antolatuta Litfest Aupatuz ospakizuna egin zuten igandean, ekainaren 14an, Gasteizen. Ekitaldi horretan Aupatuz Lehen Literatura Lehiaketako sariak banatu zituzten, eta 15 urtetik 17 urtera artekoen mailan Ane Lizaso Izarraizpe ikastola publikoko ikasleak jaso zuen sarietako bat.
Aupatuzek adierazi dutenez, literatura lehiaketa egitasmo "aitzindaria" da, eta helburu du idazketa, irakurzaletasuna, sormena eta adierazpen artistikoa sustatzea, baita adimen gaitasun handiko ikasleen talentu sortzailea ikusaraztea ere. Arabako, Bizkaiko eta Gipuzkoako hainbat ikastetxetako ikasleek parte hartu dute beren idazlanekin.
Litfest Aupatuz ekitaldian, berriz, hainbat euskal idazlek parte hartu zuten; tartean, Pako Aristi urrestildarrak.