Uztailaren 12rako haur eta gaztetxoei zuzendutako egun osoko mendi ibilaldia antolatu du Lagun Onak mendi bazkunak. Kostaldeko paisaia ikusgarriekin gozatuz, Pasaiatik Donostiara arteko ibilbidea egingo dute oinez, Ulia mendia zeharkatuz. Ibilaldiaren egunean eguraldia lagun bada, hondartzan bukatuko dute eta bainua hartzeko aukera izango dute mendizaleek.
Ibilaldian parte hartzeko izena Lagun Onak mendi bazkunaren webgunean eman behar da uztailaren 9a baino lehenago. Mendi elkarteko bazkideek 10 euro ordaindu beharko dute eta gainontzekoek 15 euro. Autobusean ordaindu behar da. Autobusak 09:00etan irtengo du anbulatorioaren aurretik eta 19:00 aldera izango da itzulera.
Mendizaleek Mugi txartela eramatea gomendatu dute, Pasaiako badia gurutzatzen duen itsasontzian erabili ahal izateko.