Herritarrek odola emateko aukera izango dute bihar, asteazkenez, Azpeitiko Odol Emaileen Elkarteak biharko jarri baitu ekainean odola ateratzeko hitzordua. 16:30etik 20:30era eman ahal izango da odola Elizkaleko Bizi Berri eraikinaren beheko lokalean (Mendizaleen tabernaren aurrean).
Odola eman nahi dutenek, aurrez txanda hartu beharko dute nahitaez, Internetez Gotatanta.org webgunean edo 943-00 78 84 telefono zenbakira deituta. Erreserba faltarik egon ez dadin, baldintzak betetzen dituen herritar oro odola ematera deitu dute beste behin odol emaileen ordezkaritzakoek.