Urteroko Europako Mendietarako irteera uztailaren 18 eta 19ko asteburuan egingo dute Lagun Onak mendi bazkunakoek. "Gure egutegiko hitzordu ederrenetakoa da", azaldu dute mendizaleek. Irteeran parte hartzeko plaza koprua mugatua da: 32 pertsonakoa. Izena uztailaren 16rako eman behar da. Izena emateko Lagun Onak MBren kontu korrontean (Rural Kutxa: ES05 3008 0152 64 5416695822) 100 euro sartu beharko dituzte mendi elkarteko bazkide direnek eta 120 euro bazkide ez direnek, norbere izen-abizenak adierazita. Ondoren, izen-abizenak adierazita, ordainagiria lagunonak.ibilaldiak@gmail.com helbide elektronikora bidali behar da. Irteeran parte hartzeko mendian federatuta egotea "ezinbestekoa" dela azpimarratu dute mendizaleeek. Ordainean sartzen dena da joan-etorriko autobusa, Poteseko Brisas del Deva albergean larunbateko afaria, lo egitea eta igandeko gosaria.
Mendi irteerarako prestatu duten plana honakoa da: uztailaren 18an, larunbatean, 04:00etan irtengo dute anbulatorioaren aurretik, eta 20 kilometroko eta 1.800 metroko malda positiboko ibilbidea egingo dute oinez Sotres-Vega de Urriellu-Horcados Rojoseko lepoa-Fuente Deko kablea. Igandeko ibilaldia, berriz, aukerakoa izango dela aurreratu dute: Cruz de la Viorna (1.151 m) mendira joan-etorria. Etxera itzultzeko autobusa 12:00 aldera abiatuko da Potesetik eta bazkaria bidean egingo dute (ez dago ordainean sartuta).