Zuri-gorriz jantzitako hainbat haur eta haien gurasoak eta etxekoak elkartu dira 19:00etarako Perez Arregi plazan, sokamutil ohi talde batek udal udalekuetan aurten San Fermin Txiki ez dutela egingo jakin ondoren antolatu dituen gurpildun zezendun entzierroetako lehendabizikoan parte hartzeko.
Iruñeko entzierroak hasi aurretik egin ohi duten bezala, Erdikale barreneko pareta batean kantatu diote San Fermini, eta lehen suziria lehertzearekin batera, antolatzaileek prestatuta zituzten gurpildun lau zezenen aurretik korrika abiatu dira haurrak Erdikalean gora. Plazara iritsita, gurpildun zezenekin jolasean jarraitu dute han.
Bihar eta etzi berriz egingo dituzte umeei zuzendutako entzierroa eta zezen jolasak, ordu berean eta toki beretik abiatuta.