Duela 34 urte ireki zituen Intxausti harategiak ateak Sanjuandegi auzoan, ilusioz eta auzokideei zerbitzurik onena eskaintzeko asmoz. Hiru hamarkada pasatxoko bidea eginda, datorren uztailaren 30ean amaiera emango diote etapa zoragarri horri. Harategiko arduradunek bihotzez eskertu nahi diete bezeroei urte hauetan guztietan emandako "konfiantza, maitasuna eta gertutasuna".
Haien esanetan, bezeroak baino gehiago izan dira; izan ere, "auzoko familia handi baten parte" sentitu dira haien ondoan. "Eguneroko jardunari zentzua eman diote, eta elkarrekin bizitako oroitzapenak betirako gordeko ditugu". Intxaustiko kideek eskerrik beroenak helarazi dizkiete bidelagun izan diren herritar guztiei, harategiaren historia beraiekin batera idatzi izanagatik.
Ibilbide luze bezain ederrari amaiera emateko, herritar batek idatzitako honako bertso hauek erabili nahi dituzte Intxaustikoek:
