Musikak girotuko du larunbat iluntzea Perez Arregi plazan. Izan ere, Hit Bound eta Sekule taldeek kontzertu bana eskainiko dute han, 19:00etan hasita.
Hit Bound taldeak reggae doinuak eramango ditu Perez Arregi plazara, 70eko eta 80ko hamarkadetako roots reggae jamaikarra lantzen baitute batez ere taldekideek. Azpeitiko, Azkoitiko eta Donostiako zortzi musikarik osatzen dute Hit Bound.
Sekule taldeak, berriz, punk-rock eta hardcore estiloko musika lantzen du. Gitarra elektrikoak, erritmo azkarrek eta gazte belaunaldien aldarrikapenek pisu handia dute Sekule taldean, eta haien doinuak Euskal Herriko azken urteetako rock eta punk eszena berriaren barruan kokatzen dira. Azkoitiko eta Azpeitiko gazte kuadrilla batek osatzen du taldea.