Azpeitiko Udalak abuztua baliatuko du Sanjuandegin hainbat errepide eta bide zati asfaltatzeko, eta gaur hasiko dira lan horiekin. Hain zuzen ere, epaitegiaren paretik igerilekuaren eraikinaren atarira arteko nahiz Salbe auzuneko 24. eta 25. zenbakien atzealdeko errepide zatiak asfaltatuko dituzte gaur eta bihar.
Udalak azaldu duenez, lan horiek egiteko, igerilekuaren aurreko errepideko errei bat itxi beharko dute, eta ondorioz, trafikoa txandaka bideratuko dute zati horretan. Horrez gain, igerilekuaren ondoko oinezkoentzako zubiaren zorua asfaltatuko dutela ere jakinarazi du udalak.