Ezkuztako zubiaren lanak bukatu zituzten behin-behinean saninazio bezperan, eta Gipuzkoako Foru Aldundiak orduan aurreratu zuen gisan, "lan bat edo beste egiteko" atzera semaforoa jarri dute gaur. Ondorioz, trafikoa txandaka bideratuko dute datozen egunetan, lan horiek bukatu bitartean.
Sei hilabetetik gora jardun dute GI-631 errepideko Urola ibaiaren gaineko zubia birgaitzeko lanetan, eta uztailaren hondarrean lanak guztiz bukatu gabe, baina zabaldu egin zuten zubia. Ordutik gaur arte bi noranzkoetan trabarik gabe igaro ahal izan dute ibilgailuek zubia.