Irailaren 12tik 13rako asteburuan Xoxotera igo eta han gaua pasatzeko irteera antolatu du Lagun Onak mendi bazkunak, baina esperotakoa baino lehenago itxi behar izan du irteerarako izen ematea, plaza guztiak bete egin direlako. Mendi klubak adierazi duenez, 30 lagunentzako lekua zegoen, eta dagoeneko 40 lagun baino gehiagok eman dute izena. Ondorioz, izen ematea ixtea erabaki du.
Hori bai, izena eman dutenak irailaren 12an, larunbata, 10:00etan abiatuko dira Azpeitiko plazatik, eta igandean bazkalostean itzuliko dira atzera herrira. Larunbateko bazkaria, lotarako izarak edo zakuak eta frontala eraman beharko dituzte irteeran parte hartzen dutenek.
Haurrek eta bazkide diren helduek 30 euro ordaindu dute parte hartzea; bazkide ez diren helduek, berriz, 40 euro. Prezio horren barruan sartzen dira Xoxoteko aterpean gaua pasatzea, larunbateko afaria eta igandeko gosaria nahiz bazkaria.