Arte eta Diseinu Ikastegiak (ADI) 2026-2027 ikasturterako izena emateko epea. Ikasturte berrian, umeei eta gaztetxoei zuzendutako marrazketa eta eskulan tailerra nahiz helduentzat pintura, zeramika eta egurrean tailuak egiteko tailerrak eskainiko dituzte.
Sormena lantzeko tailerrean 4 eta 12 urte arteko umeek eman dezakete izena, eta saioak astelehenetik ostegunera izango dira, 17:15etik 18:30era. Helduentzako pintura tailerrak ere astelehenetik ostegunera emango dituzte, 15:30etik 17:00etara. Egur tailu tailerra, berriz, 18:30etik 20:00etara izango da, astelehenetik ostegunera hau ere. Horiez gain, zeramikako klaseak eta buztina lantzen ikasteko tailerrak eskainiko dituzte Arte eta Diseinu eskolan, ikasturtean zehar.
Ikastaroak irailaren 7an hasiko dituzte, baina izena emateko epea irekita dago. Horretarako, interesa duten herritarrek Arte eta Diseinu Ikastegira (Jose Artetxe kaleko 3. zenbakian) jo dezakete, artetadiseinu@gmail.com helbidera idatzi edo 688 751 887 zein 943-81 28 08 telefono zenbakietara deitu.