Itsasi euskal kultur taldearen dantza eskolan izena emateko aukera izango da datorren asteartean eta ostegunean, 17:30etik 19:00etara. 2018an jaiotako haurrentzako (LH3 mailakoak) edota aurreneko aldiz matrikulatu nahi dutenentzako izango da hilaren 15eko eta 17ko izen ematea. Matrikula Itsasiren lokalean egin behar da, Urola kaleko 6. zenbakian.
Aurretik Itsasin dantzan dabiltzan umeei ikasturteko informazioa posta elektronikoz helarazi diete Itsasikoek. Bestalde, 16 urtetik gorako edonork dantzan hasteko gogoa izango balu, Itsasi euskal kultur taldekoekin harremanetan jartzera animatu dute.