Denboraldiaurreko lagunartekoak alde batera utzi eta lehiatzen hasteko unea iritsi zaio Biele ISBri. Azkoiti-Azpeitiko gizonen saskibaloi talde nagusiak Espainiako Kopari dagokion lehen jardunaldia jokatuko du bihar,. 18:00etan hasita, Azpeitiko kiroldegian; Logrobasket Logi7 taldearekin neurtuko ditu indarrak. Ateak irekita jokatuko dute biharko neurketa, sarrerarik ez dute ordaindu beharko hura ikustera joaten direnek. 2026-2027 denboraldirako bazkidetza egin nahi dutenek izango dute, hori bai, horretarako aukera, mahaia jarriko du-eta Iraurgik horretarako bihar arratsaldean kiroldegian.
Biharko lehen neurketaren ondotik, Espainiako Kopako beste bi jokatuko ditu Biele ISBk irailean, Bigarren FEB mailako ligari ekin aurretik: hilaren 20an, Logroñon, Clavijoren aurka jokatuko du Atxalandabasok zuzentzen duen taldeak (12:00); eta hilaren 26an, Azpeitian, Huesca jasoko dute otsoek (18:00).