Moto gidari bat zauritu da gaur goizean, 08:00ak iristerako, Landeta hiribidean izan den trafiko istripuan. Moto batek eta auto batek kontra jo dute, Glual enpresaren ondoan. Istripuaren ondorioz, pertsona bat zauritu da, eta ospitalera eraman behar izan dute.
Denbora batez, ezbeharrak eragina izan du trafikoan, baina Eusko Jaurlaritzaren segurtasun sailak jakinarazi duenez, dagoeneko garbitu dute bidea eta ez dago eragozpenik.