Ostiralean eta zapatuan ez da zuzeneko musika eskaintzarik faltako Sanagustin kulturgunean. Ostiralean bi kontzertu ikusteko eta entzuteko aukera izango da. 22:00etan, La Furia igoko da oholtzara; eta 23:00etan, Odei. Bi kontzertuetarako sarrerek 13 euro balio dute, eta Kulturazen webgunean daude eskuragai.
Zapatuan, berriz, Katapulta ekimenaren baitan, beste bi taldek joko dute Sanagustinen, 19:00etatik aurrera. Aurrena, Argazki Bat Behelainoan taldea igoko da agertokira, eta haren atzetik, Val taldea. Bi taldeak ikusteko sarrera doakoa izango da.