Uraren Bideak jarduera multzoko azkena antolatu du Azpeitiko Ekoetxeak larunbaterako, urriaren 3rako. Zestoako Agiretako ur-jauzia ezagutzeko irteera egingo dute, 10:00etan, Zestoako Lau Iturri garbitokitik irtenda. Hiru orduko bidea izango da eta Goltzibar errekaren ibilbide ederrarekin gozatuz egingo dute Ekoetxeakoek aurreratu dutenez.
Irteeran parte hartzea doan da, baina aurretik izena eman beharko da Ekoetxea.eus webgunean.