Urtero legez, trikitilariek eta trikitizaleek Trikigiro Eguna ospatuko dute urrian, eta Trikigiro elkarteak zehaztu du aurtengo hitzordua: urriaren 16an, ostiralez, ospatuko dute trikitiaren inguruko jaia. Aurreko aldietan bezala, egitarauaren barruan, 21:00etan hasita, Sanagustin kulturgunean antolatu duten afarirako txartelak ere salgai jarri dituzte antolatzaileek. Sanagustin kulturgunean bertan edo kulturaz.eus atarian eros daitezke txartelak, 25 eurotan.
Urriaren 16an, 19:00etan hasiko dituzte Trikigiro Eguneko ekitaldiak, gazteen kalejirarekin eta triki-poteoarekin. Segidan, 20:00etan trikitilari guztiak elkartu eta kalejira eraldoia egingo dute Alde Zaharrean. 21:00etan elkartuko dira Sanagustin kulturgunean afaltzeko, eta afaldu ostean, 23:00etan erromeriarekin borobilduko dute festa egina.