Bihar, ostiralarekin, izango da Organo Erromantikoaren 27. Zikloaren aurtengo edizioko Azpeitiko azken hitzordua. Andrea Strassberger oboe jotzaileak eta Maria Magyarova Plsekova organistak eskainiko dute kontzertua, 19:30ean hasita, Loiolako basilikan.
Azpeitiko hirugarren eta azken hitzordua izango da biharkoa, baina datozen egunetan izango dira zikloaren barruko beste kontzertu batzuk. Izan ere, etzi Azkoitian eta igandean Bergaran emanaldi bana izango dira: Erwan Leprado organistak eskainiko du Azkoitiko Andre Mariaren Jasokundearen parrokian (20:00); eta Jacob Benda organistak Bergarako San Pedro elizan (18:30). Azkoitian bukatuko da zikloa hilaren 24an, organo ikasleen kontzertuarekin.