Lagun Onak mendi bazkunak eta Domusa Teknikek antolatuta, gaztetxoentzako urteko azken mendi irteera egingo dute urriaren 25ean, igandez. Domusa Teknik lantegiak 50 urte betetzen dituela eta, urteurren ospakizunaren barruan egingo dute irteera lantegi horren inguruko txokoetan. Antolatzaileek ez dute zehaztu ibilbidea, baina bidean zehar "mendi bide, baso eta paisaia zoragarriak" izango direla aurreratu dute.
Irteeran parte hartzeko doan eman beharko da izena, honako lotura honetan. Urriaren 22a, osteguna, izango da izena emateko azken eguna. Irteera egunean, berriz, anbulatorioaren paretik abiatuko dira parte hartzaileak 09:00etan, eta 15:00 aldera itzuliko dira.