ELA, LAB, ESK zein Steilas sindikatuek eta Euskal Herriko etxebizitza sindikatuek deituta, etxebizitza eskubidearen alde egingo duten grebari lotutako komitea eratuko dute datorren asteartean, hilaren 3an, Azpeitian. Azoka Plazako goiko solairuko aretoan elkartuko dira 18:00etan, eta herriko eragileek nahiz norbanakoek ekarpenak egiteko aukera izango dute han.
Etxebizitzaren auziaren aurrean, besteak beste, "espekulatzaileak desjabetzea, espekulazioarekin amaitzea eta etxebizitzaren gaineko planifikazioa" aldarrikatuko dute azaroaren 11ko greba egunean.