Sarek deituta, hileko azken ostirala izanik, gaur arratsaldean euskal presoen, iheslarien eta deportatuen eskubideen aldeko elkarretaratzea izango da plazan. 19:00etan egingo dute kontzentrazioa, Denak etxera! lelopean.
Sarek Azpeitian hileko azken ostiralez egingo duen azken aurreko elkarretaratzea izango da gaurkoa. Izan ere, 26 urteko bidea egin ostean, abenduaren 24an, Gabon bezperan, egingo dute azken kontzentrazioa. Hileko azken ostiraletako egitasmoa hitzordu horrekin bukatuko du Azpeitiko Sarek.