Azaroaren 29ko Espainiako Gorteetarako hauteskundeetan mahaietan aritzea egokitu zaien jakin dezakete dagoeneko herritarrek. Azpeitiko Udalak egin ditu hauteskunde mahaietako kide titularrak eta ordezkoak izendatzeko zozketak, eta emaitzak kontsultatzeko aukera zabalik dago.
Horretarako, udalaren webgunean sartu eta NA zenbakia adierazi beharko da. Hala, mahaian parte hartzea egokitu zaien ala ez jakin ahal izango dute herritarrek. Izendatutakoek, gainera, jakinarazpen ofiziala jasoko dute etxean.