Zer da gorputz osasuntsu bat? gai hartuta, joan zen asteazkenean hainbat lagun elkartu ziren Sanagustin kulturgunean, pote filosofikoa egitasmoaren barruko hitzorduan. Maddi Etxeberria andoaindarrak gidatu zuen saioa, eta osasunaz nahiz presio estetikoaz hausnartu zuten hara joandakoek.
Txinparta filosofia elkartearen laguntzarekin antolatzen du pote filosofikoa Kulturaz kultur kooperatibak. Gai baten bueltan aritua den norbait gonbidatzen dute hilero, hark oinarria jar dezan eta herritarrek horren gainean eztabaida dezaten.
Honako lotura honetan ikus daitezke pote filosofikoaren asteazkeneko hitzorduko argazkiak.