Etxebizitza eskubidearen aldeko greba orokorra izango da bihar, azaroak 11, Hego Euskal Herrian, eta deialdiarekin bat egin dute Azpeitiko hainbat eragilek. Besteak beste, greba komitean parte hartu dute Elkar-ekin, Azpeitiko Gaztetxea, Itaia, ELA, LAB, Azpeitiko Feministen Sarea, Kontseilu Sozialista eta GKS eragileek. Horiez gain, hainbat norbanakok ere babestu du greba.
Oinarrizko hiru aldarri ditu biharko greba deialdiak: espekulatzaileak espropiatu, espekulazioa debekatu eta etxebizitza behar sozialen arabera planifikatu.
Azpeitian arratsalden egingo dute eguneko mobilizazio nagusia, 18:00etan, Azpeitiko plazatik abiatuta. Greba babestu duten eragileek manifestazioan parte hartzera animatu dituzte herritarrak.