Joan zen asteburuan hasi zen Enduroko Espainiako Kopa Huescan (Espainia), Reino de los Mallos Enduro Race lasterketarekin. Hain zuzen Riglos herrian jokatzen den jaitsiera ikusgarria da, enduro munduan klasiko bihurtu dena. Bertan, 300 lagunek baino gehiagok parte hartu zuten, eta tartean ziren Arauntza Riderseko bikerrak. Hain zuzen, Azpeitiko mendi bizikleta klubeko hamar lagun izan ziren Riglosen, mendiaz eta kirolaz gozatzen.
Gallego ibaiaren ertzetan, Espainiako, Frantziako eta Euskal Herriko riderrik onenak bildu ziren, eta 27 kilometroko lau zati zeharkatu zituzten, 1.350 metroko desnibelarekin nahiz paraje ederrekin. Proba Gabi Torralbak irabazi zuen, iaz bezala. Azpeitiarren artean, berriz, Mikel Artabidek lortu zuen markarik onena kadete mailan 19. postua eskuratuta, 22 minutu ta 21 segunduko denboriekin.
Arauntza Riders klubeko kideok eskerrak eman nahi dizkiegu gure babesle guztiei, haiei esker parte har dezakegulako horrelako sariketetan.