2022ko San Inazio festetako argazkiekin osatutako bideoa egin du Azpeitiko Argazki Elkarteak. Hain zuzen ere, elkarteko hainbat argazkilariren 600 irudirekin osatu dute ikus-entzunezkoa, eta eskuragarri da dagoeneko.
Bideo hori beren monitoreetan edo telebistetan eman nahi duten herriko tabernek, jatetxeek, dendek eta saltokiek egin dezakete eskaera dagoeneko. Elkartearen aae.azpeitikoargazkielkartea@gmail.com helbidera mezua idatzita –establezimenduaren izena adierazita– egin daiteke eskaera. Nahi duenak, gainera, elkartearen Facebook orrian ikus dezake bideoaren zati txiki bat.