Duela aste batzuk Azpeitiko Argazki Elkartetik 2025erako antolatu dugun oinarrizko argazki ikastaroaren berri zabaldu genuen. Bertan, reflex kamera digitalaren erabilera erakutsiko dugu. Argazki kamera duenak eramatea eskatzen da, baina ez da beharrezkoa. Ohitura den bezala, irteera praktikoak ere egingo ditugu, eta ikastaroa euskaraz izango da.
Ikastaroan izena eman nahi dutenek aae.azpeitikoargazkielkartea@gmail.com helbidera mezu bat bidaliz egin dezake izen-ematea. Beti bezala, aurrena idazten dutenek izango dute lehentasuna. Izena emateko azken eguna urtarrilaren 30a izango da, baina dagoeneko taldea ia beteta dugunez, norbait izena ematekotan bada, ahalik eta lehen kontaktuan jartzeko eskatzen da, taldea osatzean izen-emate zerrenda itxiko baitugu.
Ikastaroari buruzko xehetasunak:
- Noiz: 2025ko otsailaren 19tik apirilaren 9ra arte. (Otsailak 19 eta 26, martxoak 5,12,19 eta 26 eta apirilak 2 eta 9).
- Eguna eta ordua: asteazkenetan, 20:00etatik, 21:30era.
- Non: Azpeitiko Argazki Elkartearen egoitza berrian, Dinamoa sormen gunean, 1. solairuan.
- Prezioa: 60euro.
- Parte-hartzaile kopurua: 20 lagun gehiegez (10 gutxienokoa).