Azpeitiko Argazki Elkartearen 2024ko 12x12 barne lehiaketaren argazki bilduma onena Iñaki Etxenagusiari egokitu zaio. Bigarren sailkatua, berriz, Adiel Zabala izan da, eta hirugarren sailkatua Iñigo Olarte. Kasualitatez, abenduko gaiarekin gelditutako sailkapen berdina izan da. Zorionak hiruroi!
Bide batez, eskerrak eman nahi dizkiegu hilabete hauetan beren argazkiekin parte hartu duten elkarteko bazkide guztiei, eta 2025ko urte honetan ere, hilabete bakoitzeko gaiak beren kameren bidez berriro adieraztera gonbidatzen ditugu. Urte honetarako gaien zerrenda Azpeitiko Argazki Elkartearen webgunean 12x12 ekintzen atalean aurkitu dezakezue.
Honakoa da Etxenagusiak otsaileko Zubiak gaiaren inguruan aurkeztutako argazkia.